9.1. A Agrupación

O Consello Galego de Colexios de Aparelladores e Arquitectos Técnicos de Galicia, consciente da relevancia que a actuación pericial dos técnicos que agrupa ten no desenvolvemento da actividade xudicial e en virtude de dar o mellor cumprimento ao art. 341 da nova Lei de Enxuiciamento Civil, propiciou a creación da Agrupación de Aparelladores e Arquitectos Técnicos Peritos Xudiciais de Galicia, cuxa lista de agrupados será a que poña a disposición dos Xulgados e profesionais da xusticia.A Agrupación de Aparelladores e Arquitectos Técnicos Peritos Xudiciais de Galicia ten ámbito autonómico, con Seccións Provinciais coincidentes co ámbito xeográfico de cada un dos Colexios de Aparelladores e Arquitectos Técnicos que constitúe no Consello Galego.

Está constituída por profesionais Aparelladores e Arquitectos Técnicos que ademáis de acreditaren o exercicio activo durante os últimos cinco anos tiveron que acreditar, en virtude dos Estatutos da Agrupación o cumprimento de determinados requisitos como experiencia profesional, non só na elaboración de Informes, Ditames e Tasacións, mais tamén en Dirección de Obras, Redacción de Proxectos e asistencia a cursos de post-grao e formación continuada, entre os que se inclúen un curso de formación específica para a actividade pericial.

Con iso, a Agrupación reúne unha serie de profesionais Aparelladores e Arquitectos Técnicos, non só dispostos a actuar como Peritos Xudiciais, mais tamén provistos de formación e experiencia profesional acreditada que os capacita para o exercicio da función pericial.

Constitúe o seu obxecto agrupar, con carácter voluntario, os Aparelladores e/ou Arquitectos Técnicos que, reunindo as condicións estabelecidas para ser membros, compartan un interese común cos fins da Agrupación:

Fomentar a formación permanente dos seus membros tanto no aspecto técnico como no xurídico-procesal, acorde co ámbito en que deben desenvolver o seu traballo.

Velar polo adecuado cumprimento da función pericial dos seus membros, procurando así o prestixio social da actividade, e regular e correxir mediante a aplicación dun réxime disciplinario específico o defectuoso exercicio no desempeño das súas funcións periciais ou arbitrais.

Realizar e manter as listas de Peritos dentro dos ámbitos das distintas Seccións ou demarcacións xudiciais, procurando a súa distribución alí onde poidan interesar.

Defender, con un adecuado nivel de garantías, as demandas de peritos que proveñan da sociedade en xeral e dos Xulgados e Tribunais en particular.

Defender os intereses profesionais e económicos dos seus membros e fomentar na sociedade en xeral e entre os Xuíces, Tribunais e profesionais do Dereito en particular, o axeitado coñecemento da formación, preparación e competencias dos Aparelladores e Arquitectos Técnicos de cara á emisión de Informes e Ditames.

Atender a cantas cuestións afecten ao exercicio, competencia e responsabilidades dos Aparelladores e Arquitectos Técnicos no campo pericial.

Asesorar e informar daquelas actuacións que se estime apropiadas ante calquera solicitude ou consulta realizada polos colexiados ou por terceiros.

Estabelecer relación e acordos de cooperación con asociacións ou entidades afins que compartan obxectivos similares.

Desempeñar aquelas outras funcións que lle sexan delegadas, dentro do campo da pericia polos Colexios ou polo Consello.

A Agrupación ten o seu domicilio na Sede do Consello Galego de Colexios de Aparelladores e Arquitectos Técnicos de Galicia, e as Seccións Provinciais en cada unha das sedes colexiais respectivas.

Formación

Xullo 2008

Consultas Gabinete Técnico

Bolsa de emprego

CTE

ITE

Caixa de Suxestións

Organismos oficiais

9.1. A Agrupación

Buscador

Tenda

Formación

Ligazóns