O Consello Xeral da Arquitectura Técnica de España - CGATE, infórmanos que entre os días 15 e 17 de maio, terá lugar por primeira vez en Europa, o Foro Internacional en Investigación en Inmobles Plurifamiliares (IFMOP). Este Foro reúne a investigadores de todo o mundo para poñer en común traballos sobre propiedades múltiples, incluídos propiedade horizontal, propiedades de estratos, desenvolvementos de interese común, cooperativas de vivenda e asociacións de propietarios.
Organizado polo City Futures Research Centre (UNSW, Australia) e a Cátedra UNESCO de Vivenda (URV, España), esta edición do Foro inclúe dous días de reunións na Universidade Rovira i Virgili (Tarragona, España) e unha saída de campo.
Trátase da 7ª edición do IFMOP, tras as exitosas edicións de Sudáfrica, Australia e Canadá e contará con 36 relatores de 11 países e dos cinco continentes.
A web do congreso, que inclúe todos os detalles sobre os relatorios e a excursión de campo atópase aquí: https://housing.urv.cat/ifmop2024/.
Para inscribirse no Congreso IFMOP2024, debe realizarse a través da ligazón: https://www.eventbrite.com.au/e/2024-international-research-forum-on-multi-owned-properties-tickets-775283763607?aff=oddtdtcreator), baixo dúas modalidades:
- Congreso íntegro (inclúe todas as sesións, cea, recepción, viaxe de campo etc.)/ etc.). Conseguimos unha redución para os nosos colexiados, introducindo no rexistro o código: IFMOPCOMP3
- Só para profesionais, asistir soamente ás sesións da tarde (ten un custo de 24 euros) con tradución do/ao inglés. Calquera dúbida, pódena enviar a ifmop2024@urv.cat
