Procedemento a seguir para solicitar a publicación de ofertas de emprego para profesionais da Arquitectura Técnica a través do noso servizo de Bolsa de Traballo.
Será necesario enviar un correo electrónico a bolsatrabajo@coatac.es, indicando os seguintes datos imprescindibles:
- Identidade da empresa solicitante (este dato pode permanecer no anonimato se así se desexa. indicándoo na solicitude; con todo, o COATAC ten que coñecer a identidade da empresa contratante).
- Dirección de mail á que as persoas aspirantes deberán dirixir a súa C.V.
- Perfil do/a candidato/a que se busca. (titulación, experiencia, formación específica nalgún campo determinado, dominio de programas informáticos etc.)/ etc.).
- Perfil do posto de traballo:
- Denominación exacta do posto de traballo que se oferta. (ex. Xefe/a de Obra, Técnico/a de oficina...)
- Tipo de contrato, duración, localización do posto de traballo etc.
- Retribución orientadora expresada en euros brutos anuais, identificando o Convenio Colectivo polo que se rexerá a relación laboral, e a categoría profesional da táboa salarial á que corresponde o posto de traballo ofertado.
IMPORTANTE: Non se tramitarán aquelas ofertas de emprego nas que a categoría profesional e/ou retribución ofrecidas sexan inferiores ás estipuladas no Convenio Colectivo para a titulación achegada polos nosos/as colexiados/as (Técnico/a de Grao Medio ou Graduado/a, segundo o caso). Independentemente de que a retribución ofrecida pola empresa sexa superior ao establecido por Convenio, o COATAC fará constar na oferta de traballo, a modo orientador para os nosos/as colexiados/as, o importe mínimo legal de retribución que será o establecido na táboa salarial do Convenio Colectivo de que se trate para as categorías que corresponden ás titulacións da nosa profesión).
No caso de que a contratación sexa como profesional autónomo/a, por favor, fágano constar. Neste último caso, non sería necesario indicar convenio nin retribución, pois a persoa contratada facturaría á empresa os honorarios que estime que corresponden pola súa intervención.
